36 годишен албански државјанин кој бил приведен кај хотелот Александар Палас зашто одбил да се легитимира, се нафрлил врз полицискиот службеник со боксови по главата и телото во станицата во Кисела Вода.
Настанот се случил во четвртокот кога во 1.20 часот албанскиот држаавјанин во видно алкохолизирана состојба се движел пеш по булеварот кај хотелот Алкесандар Палас. Со оглед дека немал никаков документ за идентификација бил оденсен прво на Токсикологија, а потоа во полициската станица во Кисела Вода.
Таму од страна на полициски службеник, сменоводител, бил алкотестиран, и додека сменоводителот ги подготвувал протоколарните записници коишто приведениот требало да ги потпише, почнал на албански јазик да го навредува со погрдни зборови сменоводителот иако усмено бил опоменат да престане. Но продолжил со провокаци и навреди и на српски јазик, а кога сменоводителот му ги дал записниците за да ги потпише, физички се нафрлил врз полицискиот службеник и почнал да го удира со тупаници во пределот на главата и телото.
Во станицата ведбаш било интервенирано од другите полицајци, а на нападнатиот му биле констатирани телесни повреди. Албанскиот државјанин зарботи пријава за напад на службено лице.