Директор на општинско основно училиште од Кавадарци помогнат од управител од приватна фирма преку неколку фактури за набавка на стока што не била воопшто подигната од училиштето го оштетиле буџетот на училиштето, односно општината за 22.054 денари.
Како што информира денеска МВР, В.Ј. во 2016 година како директор на општинското основно училиште „Страшо Пинџур“ од Кавадарци, во три наврати надвор од предвидените асортимани во јавната набавка, извршила набавка на разна стока од правно лице од Кавадарци во вредност од 11.027 денари и извршила плаќање за три доспеани фактури.
Т.И., како управител во ДТУ „ТД-ТД Трајче“ ДООЕЛ Кавадарци, во 2017 година издал три дополнителни фактури за набавка на стока што не била воопшто подигната од училиштето со различен опис, но со иста вредност од 11.027 денари, а кои директорката ги прифатила и извршила плаќање на стоката, што не биле согласно постапката за јавни набавки.
За случајот од СВР Велес е поднесе кривична пријава за злоупотреба на службена положба и овластување против В.Ј. (62) од Кавадарци поради постоење основи на сомнение за сторено кривично дело „злоупотреба на службена положба и овластување“ и против Т.И. (61) од Кавадарци поради постоење основи на сомнение за сторено кривично дело „помагање“ во врска со „злоупотреба на службена положба и овластување“.
