МВР поднесе кривична пријава против 39-годишен охриѓанец кој се сомничи дека продавал марихуана на локалните зависници, соопшти МВР. Станува збор за Н.М. кој ќе одговара за неовластено производство и пуштање во промет на опојни дроги, психотропни сустанци и прекурсори.
Според пријавата на полицијата тој кон средината на февруари годинава купил поголема количина марихуана од непознато лице за да продава на зависници во Охрид и Струга но и за да има за себе. Планот не му успеал бидејќи уште наредниот ден бил уапсен на пазарот во Охрид и при претресот кај него била најдена кеса со 72 грама марихуана.