СВР Куманово поднесе кривична пријава до Основното јавно обвинителство против 23-годишната Т.И. од Скопје поради основано сомнение дека сторила кривично дело „убиство на дете при пораѓање“.
Таа во 7 или 8 месец од бременоста тргнала на апсолвентска ексурзија, но на граничниот премин Табановце додека чекала за пасошка контрола почувствувала силни болки по што се породила во тоалетот и го фрлила новороденчето во корпата за отпадоци. Потоа се вратила во автобусот и го продолжила патувањето.
Откако од песоналот на граничнит премин било пронајдено телото на бебето, настанот бил пријавен во СВР Куманово и по интензивна истрага контактирано е со организаторите на ексурзијата, а девојката е однесена на Гинеколошката клиника во Прага каде и е укажана лекарска помош. По завршувањето на ексурзијата на 18 април на граничниот премин таа е приведена и е однесена на дополнителни медицински вештачења.
При истрагата е констатирано дека без оглед на датумот на бременоста, новороденчето кое било живо родено, би преживеало доколку било родено во соодветни болнички услови.
За бременоста не постоеле податоци дека претходно таа била лекарски контролирана.