Полициската станица во Гостивар поднесе кривична пријава против три лица кои во текот на минатата година извршиле и овозможиле неовластена сеча на дрва.
Кривичната пријава е поднесена против 56-годишниот Р.М. управител на фирмата „Тивари“ за пустошење шуми, 47-годишниот В.А. референт во јавното претпријатие „Македонски шуми“ за злоупотреба на службената положба и против 58-годишниот Б.Т. кој работел како шумски инжинер во „Македонски шум“и за неовалстено работење во службата.
Како што денеска соопшти полицијата, во периодот од март до јуни на подрачјето на „Сува Гора“ во гостиварското село Куново, Р.М. без дозвола извршил сеча на 364 дабови стебла со вкупна дрвна маса од 79,92 метри кубни на штета на „Македонски шуми“ во вредност од околу 559.440 денари. По ова, В.А. незаконски жигосал 44,4 метри кубни дрва, а Б.Т. не извршил контрола и надзор на теренот овозможувајќи му на Р.М. да врши бесправна сеча.