СВР Скопје – Единица за економски и компјутерски криминал поднесе кривична пријава против 45-годишниот А.Б. од Скопје за сторено кривично дело „даночно затајување” по чл.279 ст.1 од Кривичниот законик, информира МВР.
– Пријавениот во текот на 2020 година во повеќе наврати, од повеќе лица од странство, реализирал приливи на девизни парични средства во вкупен износ од 1.547.765 денари кои, со намера да го одбегне плаќањето на данокот на личен доход, не ги пријавил како друг доход и не поднел задолжителна Годишна даночна пријава до Управата за јавни приходи, за нив не пресметал и не платил данок на личен доход во износ од 10% од вкупниот доход, соопшти МВР.
Со ова А.Б. го оштетил Буџетот на Република Северна Македонија и се стекнал со противправна имотна корист во износ од вкупно 154.776 денари.