Охридската полиција поднесе кривична пријава против 49-годишната К.К. од Охрид, поради постоење основи на сомнение дека е сторител на казнено дело „уцена“.
Според полициското соопштение, на 23 декември минатата година пријавената во повеќе наврати од нејзиниот мобилен телефон испратила смс-пораки до лицето В.Ш. од Охрид, преку кого се обидела од лицето А.Т. да оствари противправна имотна корист од пет илјади евра.
Имено, пријавената пријавената барала од В.Ш. да оствари контакт со братот на А.Т. кој бил во притвор, со цел да ги изнуди посочените пари за пред Судот да даде поволен исказ за притворениот. Пријавената К.К. барала 3.000 евра да и бидат исплатени веднаш, а останатите 2.000 евра на почеток на 2015 година.