СВР Скопје до Основното Јавно обвинителство-Скопје поднесе кривична пријава против Д.Х.Н.(55) од Скопје осомничен дека сторил кривично дело „изнуда“.
Од страна на истражен судија на пријавениот му е одредена мерка куќен притвор во траење од 30 дена.
Со намера да се стекне со противправна имотна корист, Д.Х.Н, соопшти денеска МВР, во вторникот околу 12,15 часот во адвокатската канцеларија на оштетениот Ж.Б.(45), со упатување на сериозни закани дека ќе го убие него и фамилијата го присилил да му даде 300 евра.
Имено, пријавениот во периодот од 2009/2013 година во повеќе наврати од мобилен телефон му се јавувал на оштетениот, а често одел и во неговата адвокатска канцеларија и со закани по неговиот живот и животот на неговата фамилија му барал околу 20.000 евра, кои средства му биле потребни за купување на стан. Откако оштетниот повеќе пати во горенаведениот период му кажувал на пријавениот дека не сака да му даде пари, бидејќи не му должи, Д.Х.Н. раеволтиран продолжил да му се заканува по неговиот живот и животите на неговата фамилија.
Од страна Единицата за насилен криминал при СВР Скопје по извршеното кривично дело пријавениот е лишен од слобода и приведен во Полициската станица во Кисела Вода. При извршениот преглед кај истиот се пронајдени 300 евра, банкноти во апоени од по 100 евра што предходно биле крим-технички обработени, како и нож на расклопување.