Кривичен суд: Вработениот во судската писара е негативен на вирусот

Од:

Основниот кривичен суд Скопје, во однос на информациите дека вработен во судската писара е позитивен на вирусот КОВИД – 19, информира дека посочениот колега веднаш бил упатен на тестирање. Вработениот е негативен на вирусот, а до управата на судот е доставен и резултатот од тестирањето.

Од Основниот кривичен суд Скопје апелираат до медиумите и сите останати субјекти кои, како што велат, лиферуваат информации на порталите и социјалните мрежи за судот, да ги проверуваат информациите пред нивно објавување.

Судот, велат, се залага за транспарентно и отчетно работење и има одлична соработка со поголем дел од медиумите.

„Но, потребно е да се напомене дека секоја непроверена и неточна информација освен што наштетува на угледот на институцијата може негативно да се одрази и на некои недолжни колеги или граѓани како во овој случај.

Досега неколку пати ја информиравме јавноста дека како суд строго се придржуваме до препораките за заштита од вирусот. Судниците и судските простории редовно се дезинфицираат, на вработените и странките кои влегува во судот им се мери температурата со безконтактни уреди, секој е должен да носи заштитна маска и ракавици, се одржува растојание на присутните во судниците, канцелариите и писарниците, а сите вработени кои се хронично болни, самохрани родители или чуваат дете помало од 10 години се ослободени од работа.

До овој момент ниту еден вработен не пријавил дека имал котакт со заболен и дека му е дадена препорака за самоизолација, а доколку некој пријави дека е позитивен на вирусот судот ќе ги преземе сите мерки согласно напатствијата на здравствените власти“, велат од Основниот кривичен суд Скопје.

Би можело да ве интересира

1830 активни случаи на коронавирус во Скопје, 300 во Чаир

Ана Ололовска

136 заразени со Ковид-19, починати се 6 лица

Ана Ололовска

МВР регистрира 251 прекршок за неносење маски

Ана Ололовска

Активни 3.519 случаи на заразени со Ковид-19, досега починаа 376 лица

Ана Ололовска

Во карантин македонски државјани кои дошле од Авганистан, дел од нив позитивни на Ковид-19

А1он

24-годишната тетовка која почина од Ковид-19, немала хронични заболувања

Мери Јордановска