Советниците на општина Крива Паланка ја усвоија Програмата за еднакви можности на жените и мажите за 2017 година со која се предвидува организирање различни активности со цел промовирање и унапредување на родовата еднаквост.
Програмата е изработена согласно Акциониот план за родова рамноправност на општината 2017 – 2020 и нејзината цел е да ја промовира родовата еднаквост согласно Законот за еднакви можности на мажите и жените со кој се забранува и казнува секаков вид дискриминација врз основа на пол во јавниот и приватниот сектор во сите сфери на човековото живеење.
Целите на оваа програма се подобрување на информираноста за човековите права, механизмите за заштита и родова рамноправност, препознавање на дискриминација по основ на пол, како и информирање за системите за заштита и казнување на кршењето на тоа право, како и јакнење на капацитетите на комисијата за еднакви можности и општинската администрација.
Програмата ќе се реализира во рамки на расположливите средства од буџетот на општината во соработка со различни здруженија на граѓани и невладини организации кои работат во областа на родовата еднаквост.
Текот и динамиката на спроведување на Програмата ќе ги следат комисијата и координаторот за еднакви можности при општината а во делот на евалуација ќе се вклучи и Секторот за еднакви можности при Министерството за труд и социјална политика.