Доцна синоќа, околу 1 часот по полноќ, на излезот од Стар Дојран, полицијата во товарно возило пронашла 42 мигранти (41 од Сирија и 1 од Бангладеш).
Откако возачот и совозачот на товарното возило ги забележале полициските службеници, скокнале од возилото во движење и избегале, а возилото се вратило назад и удрило во службено возило на МВР, информираат од полицијата.
Повредени лица нема, а увид извршила увидна екипа од Гевгелија.
Мигрантите се предадени за понатамошна постапка, по што ќе бидат спроведени до прифатно-транзитен центар.
