Непознати сторители украле од домот на гостиварецот Н.А.(52), евра и швајцарски франци, информира СВР Тетово.
Кражбата најверојатно се случила синоќа во периодот од 19 и 30 до 22 часот, кога домашните биле излезени од домот. Непознатите провалиле во куќата на Н.А. на улицата „ЈНА“ со насилно отворање на влезната врата. По пребарувањето, тие од куќата заминале со плен, кој според сопственикот се состоел од сто евра и две илјади швајцарски франци во разни апоени.
Полицијата извршила увид и трага по сторителите.
Без повеќе парчиња накит вредни околу сто илајди денари, останал жител на тетовско Селце. Синоќа, во домот на Е.Е. провалиле крадци и од регал на вториот кат одзеле повеќе парчиња златен накит.
Од СВР Тетово, апелираат до граѓаните, особено во овој период кога излегуваат од домовите на подолго време, драгоценостите да ги обезбедат и да поведат поголема сметка за сигурноста на домот.
Изминативе десетина дена, во плошкиот регион се регистрирани десетина тешки кражби со поголем плен и речиси сите се случиле во ноќните часови.