Две непознати лица ноќеска го ограбиле тобакото „Томи“ во Кисела Вода.
Како што соопшти МВР, ноќеска околу 02:35 часот на ул.„Народни херои“ во Скопје две непознати лица се обиделе да влезат во тобако „Томи“ преку влезната врата која била заклучена. Откако не успеале да ја отворат насилно го скршиле изложното стакло од каде одзеле неколку штеки цигари и притоа му упатиле сериозни закани на вработениот и му побарале да им ја даде металната каса во која имало пари од дневниот промет. Крадците ја земале касата и со трчање избегале во непознат правец.
Полицијата презема мерки за целосно расчистување на случајот.