Пиштол марка „Аркус“, калибар девет милиметри, со рамка со 15 куршуми и уште две рамки за пиштол, 55 куршуми, два часовника, златно ланче, алка и 3.000 денари се украдени синоќа од стан во Скопје.
Според МВР, кражбата се случила меѓу 19 и 00:10 часот во стан на улицата „Хераклеа“, сопственост на Х.К. (43).
Сторителот, засега се уште непознат, со погоден клуч или калауз ја отворил влезната врата, влегол во станот и пред кражбата извршил пребарување.
Се преземаат мерки за негово пронаоѓање и за целосно расчистување на случајот.
