Вкупно 35 илјади денари биле одземени и нанесена материјална штета откако засега непознати сторители извршиле тешка кражба во спортската обложувалница „Марбет“ лоцирана на улица „ Благоја Тоска“ во Тетово, сопственост на тетовец от И.Ј. (49), информираше портпаролот на СВР Тетово Марјан Јосифовски.
Според неговите податоци и поднесената пријава до полицијата кражбата биле извршена ноќта помеѓу понеделник и вторник оваа недела.
– Откако насилно ја отвориле влезната врата непознатите насилно ги отвориле и вратите од трите апарати за игри на среќа, ги извадиле касите и одзеле парични средства во вкупен износ од 35.000 денари, а потоа незабележани од никого го напуштиле објектот. Се преземаат мерки и активности за откривање на сторителите и целосно расветлување на случајот, рече Јосифовски.