Непознат сторител за време на велигденските празници извршил кражба во просториите на Црвен крст на Република Македонија во Скопје, при што се одземени 121.000 денари и 320 евра.
Како што е наведено во полицискиот билтен, вчера во СВР Скопје било пријавено дека во периодот од 5-ти до 10-ти овој месец на булевар „Кочо Рацин“ во просториите на Црвен крст на РМ непознат сторител со употреба на погоден алат го отворил прозорецот и влегол внатре, по што од сеф касата одзел 121.000 денари, 320 евра, еден ресивер и го напуштил местото на настанот. Полицијата работи на целосно расчистување на случајот.