Синоќа во Прилеп во куќа, сопственост на М.Г.(47), од страна на непознат сторител извршена е тешка кражба, при што одземени се евра, австралиски и американски долари, швајцарски франци и фунти, сè во вредност од 2.160.000 денари, како и разновиден златен накит во вредност од 2.200.000 денари.
Сторителот, откако со употреба на погоден алат влегол во куќата, во подрумот пронашол и отворил метален сеф, од каде што ги одзел парите и заминал во непознат правец. Извршен е увид на местото на настанот, се преземаат мерки за пронаоѓање на сторителот.