Градоначалникот на општина Центар, Андреј Жерновски денеска, во својот кабинет, го прими амбасадорот на Хрватска, Златко Крамариќ.
Двајцата соговорници разменија мислења за актуелната состојба во двете држави и во регионот.
Хрватска, останува подржувач на евро-атланските аспирации на Република Македонија.
Добредојдени се искуствата на Хрватска за исполнување на задачите и спроведување на неопходните реформи на патот кон ЕУ и НАТО.
Амбасадорот Крамариќ е запознаен со актуелните случувања и притисоците врз општина Центар.
За жал, констатираа Жерновски и Крамариќ, досега нема поконкретна соработка и збратимување на општина Центар со општина во Хрватска, и се согласија дека во наредниот период ќе се работи на тоа поле, за да можат пријателските односи да се продлабочат на сите нивоа.