Првообвинетиот за кражбата во НЛБ банка, Бобан Смилевски и се извини на сопругата што ја остава со 2 малолетни близначиња, му се извини на внукот што го остава без татко и на неговите родители за нанесениот срам стрес и шок.
Смилевски исто така се извини и на НЛБ банка за грабежот, но не кажа каде се парите.
-Делото не е за имотна корист, бев во долгови за кои јас и моето семејство добивавме закани и уцени. Во овие 40 години како човек сум бил за пример, рече Смилевски.
Тој побара помала казна и за второ и трето обвинетите за што пред судот кажа дека ненамерно ги вмешал во кривично дело. Смилевски вети доколку добие поблага казна ќе работи за побргу да ја надомести штетата на Банката.
Конечната одлука за казните на обвинетите во случајот ќе биде произнесена на 3 ноември.
Виктор Јованов