СВР Тетово поднесе кривична пријава против М.А.(18) и Н.А.(29), двајцата од скопското село Патишка Река, во општината Сопиште, поради постоење основи на сомнение за сторено кривично дело „кражба“.
На 7 септември годинава, К.З.(50) од селото Доброште, тетовско, на интернет-страница објавил оглас за продажба на неговото возило „фолксваген тигуан“, а веќе наредниот ден му се јавил М.А. и се договориле да се сретнат за да го види возилото. Истиот ден М.А. и Н.А. дошле во Тетово и се договориле за купопродажба на возилото и направиле нотарски договор.
Во моментот кога Н.А. отишол во банка да ја уплати договорената сума, М.А. искористил згодна прилика и избегал со возилото, велат од полицијата.