Новата директорка на државната компанија АД „Аеродроми“, Миликије Халими која беше избрана на оваа функција по предлог на Владата, имала универзитетска диплома како и другите функционери и нејзиниот избор не е спорен за премиерот Димитар Ковачевски.
-Таа е избрана по предлог на Владата, врз основа на универзитетска диплома која ја имаат и други функционери. Нејзе ја избира Надзорниот одбор на акционерското друштво – рече Ковачевски на денешниот настан по повод Националниот ден на осигурувањето.
Халими е поранешна градоначалничка на Општина Арачиново од редовите на СДСМ која после својот мандат на локално ниво, стана инспектор во Царинската управа иако има средно медицинско образование на што реагираа јавноста и опозициските партии.