Претседателот на Владата на Република Северна Македонија, Димитар Ковачевски, денеска во Блед, Словенија каде учествува на Бледскиот стратешки форум, се сретна со претседателот на Владата на Република Хрватска, Андреј Пленковиќ.
На средбата на која присуствуваше и вицепремиерот за европски прашања, Бојан Маричиќ, се разговарало за актуелните случувања во врска со процесот на евроинтеграции на Македонија. Двајцата премиери оцениле дека европската интеграција е најдобар механизам за напредок на нашата земја, што меѓу другото ќе овозможи стабилна економија, повисок животен стандард за граѓаните и ќе донесе повеќе инвестиции соопштија од Владата.