Ковачевски-Катлер: Навремената размена на информации и соработката помеѓу членките на НАТО е важна за безбедноста на Северна Македонија и целиот регион

Од:

Претседателот на Владата на Република Северна Македонија Димитар Ковачевски, денеска оствари средба со помошникот-генерален секретар на НАТО за разузнавање и безбедност, Дејвид Катлер.

dobivaj vesti na viber

На состанокот беше разговарано пред сѐ за воената агресија на Русија кон Украина и понатамошното влијание на овие случувања врз глобалната енергетска состојба и врз прехранбената индустрија. Премиерот Ковачевски на средбата ја истакна цврстата поддршка за територијалниот интегритет и суверенитет на Украина во нејзините меѓународно признати граници и посочи дека Северна Македонија ќе ја продолжи политичката и практичната поддршка со цел да и се помогне на Украина да се одбрани и да ги оствари своите суверени права. Оваа позиција беше поздравена од помошникот-генерален секретар на НАТО за разузнавање и безбедност, Дејвид Катлер како исклучително важна за Алијансата.

Премиерот Ковачевски и помошникот-генерален секретар Катлер на состанокот разговараа за безбедносната, политичката, економската и енергетската состојба во државата во контекст на војната во Украина, а на состанокот беше посочено дека соработката меѓу земјите-членки на НАТО е од исклучителна важност за безбедноста, како на Алијансата, така и на регионот и на Северна Македонија како НАТО членка. Премиерот Ковачевски и помошникот-генерален секретар Катлер, на средбата разговараа за справувањето со хибридните закани, што е еден од главните приоритети на НАТО, посочувајќи дека Алијансата мора ефикасно да се бори против ваквите закани.

На состанокот премиерот Ковачевски и помошникот-генерален секретар Катлер изразија взаемна благодарност за соработката на Северна Македонија со НАТО особено во делот на добивање навремени информации и соработката со македонските безбедносни служби.

Би можело да ве интересира

(ВИДЕО) Ковачевски: Ја јакнеме родовата еднаквост за општество во кое жените се сигурни и економски независни

Горан Наумовски

Ковачевски со Советот на амбасадори: Потребно ни е знаење за историски најважната евроинтеграција

Ковачевски: Гасификацијата станува реалност, завршени се градежните работи на гасоводот Неготино-Кавадарци-Битола

(ВИДЕО) Ковачевски – Штајнмајер: Германија сака да ја види Северна Македонија во ЕУ во најбрз можен рок

Горан Наумовски

Ковачевски: Расте цената на тутунот, откупот стартува со над 30% повисока цена

(ВИДЕО) Ковачевски: 2023 година е година за економска пресвртница, на нова надеж