Премиерот Димитар Ковачевски смета дека наставниците треба сами да одлучат какви предмети и помагала ќе користат на часовите затоа што тие ја организираат наставата.
Тој, додека им предавал на студентите на Американ колеџ во Скопје, честопати не им дозволувал да користат телефони.
– Јас на пример сум професор и кај мене студентите често пати се случува да не може да користат мобилен телефон. Што се однесува до регулацијата на користење комуникациска опрема за време на настава, вие знаете дека живееме во време на социјални мрежи на кои се споделуваат најразлични содржини кои некогаш не соодвествуаат на моралните и етичките стандарди. За ова е потребна поширока дебата дали да се забранат некои канали на комуникација – истакна премиерот на новинарско прашање во Штип.