Ковачевски би го поддржал Меџити за укинување на организациските директори

Од:

Премиерот Димитар Ковачевски денеска изјави дека би го поддржал на владина седница предлогот на министерот за здравство Фатмир Меџити за укинување на економските директори.

– Апсолутно. Јас сметам дека е неиздржано на еден километар квадратен да има 60 директори, 60 заменици директори и 60 управни одбори. Тоа никаде во светот го нема, нагласи Ковачевски, одговарајќи на новинарско прашање.

Министерот за здравство Фатмир Меџити деновиве изјави дека очекува од јануари наредната година да функционира еден клинички центар, најверојатно со еден генерален директор, со што би се укинале организациските, или познати и како економски директори на одделните клиники.

– Од првиот ден работам напорно за овој проблем и тој проблем ми е најгорливата мака што сакам да го решам како кабинет, како Министерство да го решиме, еднаш засекогаш да се постават работите како што треба на Клинички и да функционира многу полесно, поадекватно и поефективно да биде. Информацијата е готова, во договор со ФЗОМ, значи почетокот на годината после новата годна и сите пресметки се прават, тогаш и најверојатно се очекува, значи од 1 јануари 2024 да почне да функционира еден клинички центар со генерален директор или како ќе бидат модалитетите за тоа ќе се договориме, одговори министерот на новинарско прашање, по презентацијата на апликацијата „Мое здравје“.

Тој истакна дека целта е пациентите да добиваат подобра здравствена услуга, а и здравствените работници да функционираат полесно.

На новинарско прашање дали тоа значи дека ќе се укинат организациските, или познати и како економски директори, Меџити одговори потврдно.

Би можело да ве интересира

Ковачевски: Со државната поддршка за македонските компaнии создадовме нови 5.000 работни места

Ковачевски: Пратеничките листи на СДСМ добија 99,98 отсто поддршка на Конгресот на партијата

Ковачевски: СДСМ ќе ја внесе Македонија во ЕУ и ќе ги зачува вредностите на ЕУ дома

Горан Наумовски

Ковачевски: Претстојните избори се клучни за иднината на државата

Ковачевски: Со новата изборна програма на СДСМ, 750 милиони евра во директни плаќања и над 100 милиони евра за рурален развој

Ковачевски: Ќе поддржиме решение за секој граѓанин да може да го оствари правото на глас

Горан Наумовски