Новиот претседател на Општинската организација на СДСМ во Куманово, Мартин Костовски искажа благодарост за довербата која што ја доби.
-Застанувањето на чело на една ваква општинска организација е голема обврска и задоволство, но истовремено и одговорност. Без оглед на моменталната состојба, нема кој друг да ни помогне освен ние самите, нема ништо друго да ни даде мир, освен победата на социјалдемократски принципи – истакна Костовски.
Тој додаде дека во наредниот период ОО на СДСМ ќе се води по социјалдемократските принципи на слобода, еднаквост и солидарност.
– По нив ќе ги креираме идните политики на нашата партија. Ќе ги следиме сите процеси, ќе бидеме присутни секаде каде што сме потребни и каде што се носат важни одлуки и ќе дејствуваме со правовремени решенија-нагласи новиот претеседател.
Костовски доаѓа од функцијата секретар во СДСМ, а претходен претседател на ОО на СДСМ беше лекарот, Снежана Захариева.
Елена Георгиевска
