Во протоколарна постета на општина Куманово, денеска престојуваше заменик-министерот во Министерството за враќање и за заедници од Косово, Јолџи Шаља.
На средбата во Куманово освен претставници на локалната самоуправа престојуваат и преставници од ромските невладини и граѓанските организации од подрачјето на Куманово.
Градоначалникот на општина Куманово, Зоран Дамјановски истакна дека го запознал Шаља со етничките права на Ромите, достигнувањата во изминатиот период, меѓу кои и службената употреба на ромскиот јазик, со бројната состојба на вработените Роми во општинската администрација. Дамјановски го информирал и за достигнувањата во однос на имплементација на обврските од Декадата на Ромите на подрачје на Куманово.
На средбата станало збор и тековни проекти меѓу кои и регулација на речно корито, регулација во населбата Средорек, со што, рече, се создаваат реални услови за живеење и легализација на дивоизградените објекти, за дневниот центар во училиштето „11 Окотмври“.
– Главната тема за која денеска зборувавме е реадмисија на Ромите кои во бегласката криза во воените дејствија во Јужна Србија и Косово 1999 – 2000, кога имавме масовен егзодус на луѓе и имаше голем број Роми кои беа иселени, еден дел се вратени, но има и други кои останале, сега се прави една заложба под покровителство на европската заедница за враќање на тие луѓе и овозможување на услови за нивното ресоцијализирање во Косово, тоа беше главната тема за кој денеска зборувавме, изјави Дамјановски.
Заменик министерот Шаља рече дека се информирал за позитивната состојба на ромската етничка заедница и оти се надева на воспоставување дополнителни состаноци на ниво на Косово и Македонија поврзани со ромската заедница.
– Ние мора да и се заблагодариме на Република Македонија дека од 1999 година, голем број Роми од Косово живееа во Македонија. Сега состојбата во Косово е променета, повеќе од тие луѓе кои живееа во кампови се вратија во своите домови, нашето Министерство за враќање и заедници направи повеќе работи со европските организациии за да ги врати луѓето кои излегоа од Косово, изјави Шаља.
Оваа средба ,рече, има за цел да се иднетификуваат луѓето кои би сакале да се вратат на Косово. Средбата,се одржува по иницијатива на советникот Самет Салиевски.