Денеска, трет ден народните избраници ќе дебатираат за предлогот на Владата за ребаланс на буџетот. Има пријавено голем број дискутанти, а според Деловникот расправата може да трае најмногу 5 дена.
Власта и опозицијата имаат спротивставени мислења.
Владиното мнозинство смета дека ребалансот е неопходен, а за опозицијата и ребалансот, како и буџетот е неразвоен и нереален.
Ќе заседава и Комисијата за политички систем. Тука копјата ќе се кршат околу Законот за лустрација, кој во првата фаза беше изгласан без гласовите на опозицијата.