Координативното тело на Општина Кичево го усвои Оперативниот план за дезинфекција на сите патишта, улици, установи и јавни места во градот кои почесто ги посетуваат граѓаните.
Во заклучоците се бара да се зајакнат превентивните мерки за заштита од коронавирусот од страна на сите надлежни институции.
Работните тимови на Болницата, Здравствениот дом, Армијата, Полицијата, Црвениот крст, Центарот за управување со кризи, Центарот за заштита и спасување и ЈП „Комуналец“ постојано ќе го покриваат градот и околните населени места, работејќи и почитувајќи ги препораките на Владата.
Исто така се апелира до граѓаните да ги почитуваат препораките на Владата за самоизолација, полицискиот час и групирањето на лица, како и да се задржи нивото на индивидуална и групна чистота.
Од општината информираат и дека состојбата во Кичево досега е стабилна.