Македонската платформа против сиромаштијата (МППС) третпат го распиша конкурсот за доделување награди за новинари кои пишуваат на социјалните теми поврзани со сиромаштијата и социјалната исклученост.
Со пишувањето на овие теми, како што наведуваат од МППС, новинарите им даваат глас на луѓето кои ретко имаат можност јавно да зборуваат за своите проблеми и се речиси општествено невидливи.
– Наградите имаат за цел промовирање на новинарство кое ги опфаќа многуте аспекти на сиромаштијата и социјалната исклученост, поддржуваат известување кое ги почитува граѓаните и внимава на нивното достоинство и изразуваат поддршка на новинарите кои им даваат видливост и гласност на граѓаните кои вообичаено не ги гледаме и слушаме. Конечната цел е да се доделат награди на општествено посветени новинари, кои внимаваат да не градат стереотипи и не се водат од сензационализам, велат од МППС.
Детали за конкурсот може да се најдат на страната на МППС, а крајниот рок за доставување на сториите е 1 февруари.