Коњ кој бил оставен врзан во руинирана зграда во центарот на Скопје бил спасен и пренесен во Зоолошката градина информираат од скопската Зоолошка градина.
Жителите од околните објекти го забележале коњот и пријавиле во МВР по што полицијата Агенцијата за храна и ветеринарство и вработени во ЗОО организирале мисија за спасување. Го извлекле коњот и го префрлиле на безбедно.
„Вчера на неколку портали беше објавено дека во Дебар Маало има коњ на тераса од стан во напуштена зграда, а полицијата добила и неколку пријави од граѓани. Колегите од Скопје ЗОО, заедно со директорот Кристијан Стаменов, МВР и инспектор на АХВ излегоа на терен и ја започнаа спасувачката мисија на коњчето кое за жал било врзано во руинираниот објект и оставено без храна и вода. Доцна вечерта коњот беше пренесен во Скопје ЗОО каде што ќе му обезбедиме ветеринарна грижа и најдобра нега“ – објавија од ЗОО Скопје.