Во Скопје денеска ќе се одржи конференција на тема „Зајакнување на улогата на Собранието – помеѓу реформите и политичката волја“.
На конференцијата најавено е присуство на претставници од граѓански и меѓународни организации, како и на партиски и собраниски претставници кои ќе дебатираат за тоа како да се унапреди надзорната улога на Собранието, како да се подобри учеството на граѓанското општество во работата на Собранието и како да се дојде до поквалитетна собраниска дебата.
Конференцијата ја организира Институтот за демократија „Социетас Цивилис“ – Скопје од каде најавуваат дека ќе присуствува и претседателот на македонското Собрание Талат Џафери.