Во организација на Светска банка во соработка со Владата на Република Македонија денеска во Скопје ќе се одржи конференција посветена на раниот детски развој.
Целта на конференцијата е да се презентираат релевантните регионални и глобални трендови и пракси за значењето на раниот детски развој на владите и чинителите од земјите на Западен Балкан, како и, поконкрентно, важноста за проширување на пристапот до квалитетно рано детско образование и заштита. На конференцијата ќе присуствуваат 50-тина претставници од земјите на Западен Балкан, вклучително и преставници од владите и меѓународната заедница.
На отворање на конференцијата најавено е обраќање на премиерот Зоран Заев, Линда Ван Гелдер регионален директор за земјите од Западен Балкан и Хаиме Сааведра сениор директор на глобалната пракса за образование при Светска банка.