Во организација на Министерството за информатичко општество и администрација денеска во Скопје ќе биде отворена дводневна конференција „Отворено владино партнерство-дијалог со граѓанските организации за Националниот акциски план 2018-2020″.
Целта е да се промовира иницијативата Отворено владино општество меѓу граѓанските организации и подетално да се информира за остварениот прогрес.
Најавено е воведно обраќање на министерот за информатичко општество и администрација Дамјан Манчевски.
Конференцијата се организира со поддршка на проектот „Национален ресурсен центар за граѓански организации” финансиран од Европската унија.
