Членот на ВМРО-ДПМНЕ и актуелен советник за град Скопје на претседателот на партијата, Ивица Коневски, реагираше на објавата на портпаролот на ВМРО-ДПМНЕ, Димче Арсовски на социјалните мрежи.
„Мицкоски, по твоето огласување преку официјалниот портпарол, станува јасно каков човек ја води партијата.
По мојот изнесен став, ти го тераш портпаролот да пишува ниски лаги и клевети за мене. Со тоа само потврдуваш дека ти и твојот тим немате капацитет да се справите со искрените критики, упатени за доброто на ВМРО-ДПМНЕ.
Што побрзо си одите ти и таа багра од партијата, толку побрзо ВМРО-ДПМНЕ ќе застане на чело на државата“, напиша Коневски.