Градинката „Кочо Рацин“ во Општина Центар доби одобрение од Министерството за финансии, преку Министерството за труд и социјална политика, да вработи 9 лица, со што повторно ќе се отворат две групи јасли за згрижување на најмладите.
Претходната власт немаше слух и разбирање, иако повеќе од дваесетина пати директорката и Општината се обраќаа до Министерството за труд и социјална политика, укажувајќи на итноста и сериозноста на состојбата.
Педесетина деца до двегодишна возраст чекаа да бидат сместени во групите јасли, иако градинката располага со празни занимални токму за оваа намена. Јаслите, како и целата градинка, се комплетно и модерно опремени, со подно греење, со кујна по европски стандарди, со посебен влез и лифт.
За родителите и за градоначалникот Жерновски беше несватливо зошто претходната владеачка гарнитура ја марање дополнителни две групи јасли за што дополнително ќе се бараат вработувања како замена на лицата кои се пензионирани и пред 2015. Со ова ќе се исполни капацитетот, а родителите нема да мора да се грижат за обезбедување место во јаслите.
Претходната власт вршеше постојани опструкции во работењето на општината. Со проментата на власта се очекува откочување и на друго процеси и проекти кои беа блокирани од политички причини.
