Неверување помеѓу членството на ВМРО-ДПМНЕ во Охрид, откако беше соопштена информацијата дека Горан Устијаноски е новиот капетан на Охридската капетанија.
Устијаноски иако е стручен во оваа област со завршено соодветно образование во областа на водениот сообраќај и како таков е помеѓу ретките во Македонија сепак е непартиска личност.
Партиското членство во Охрид беше во исчекување за капетан да биде назначен Љубен Буџакоски-актуелен советник во Советот на општина Охрид, за кога изминативе три месеци најгласно се зборуваше и речиси беше сигурно дека ќе седне на оваа функција.
Уште повеќе велат извори за А1 од ВМРО-ДПМНЕ во Охрид што Буџакоски бил прифатлив за дел од членството но и за „партиските струи“ во Охрид. Во игра за капетан беше и кандидат од Струга член на владеачката партија кој исто така имал соодветна подршка.
Токму тоа била причината за тактизирањето околу изборот на капетан, дали ова место да го добие човек од Охрид или Струга.На крај изборот е непартиска личност. Инаку Капетанија на пристаништа три месесеци беше без капетан, откако поранешниот капетан Љупчо Настовски беше првата жртва на „новиот бран“ на ВМРО ДПМНЕ. Новиот Устијановски е и актуелен претседател на Здружението на бродари од Охрид.
Мики Трајковски