Воениот оркестар на Армијата на Република Македонија вчеравечер за првпат одржа концерт во Гостивар на кој изведе познати композиции.
Покрај настапот на оркестарот, припадниците на баталјонот за почести ја изведоа точката „Егзирцир“, со која ја покажаа нивната вештина во работата со пушка и строеви постапки.
На концертот прусуствуваше командантот на Првата механизирана пешадиска бригада, бригаден генерал Павле Арсоски, како и претставници од општина Гостивар.
Со концертот продолжи реализацијата на проектот „Армијата поблиску до граѓаните“. Проектот започна минатиот месец со настапи на оркестарот и припадници од гардиската чета од баталјонот за почести во Македонски Брод и Делчево, а до крајот на годината, вакви концерти и презентации ќе се одржуваат во повеќе градови низ државата
