Локалното јавно комунално претпријатие „Комуналец“-Битола со амбициозна комунална програма ќе влијае врз ликот на градот, а зајакнувањето на буџетските ресурси ќе се врши преку проектни апликации во ЕУ-фондовите.
Според директорот на ЈП „Комуналец“-Битола Панде Богоевски, претпријатието со својот потенцијал ќе ги подобри хигиената и чистотата во градот за што ќе биде подигнат степенот на менаџирање со човечките и материјалните ресурси на комуналниот сервис. Според него, Битола може да биде поубава и почиста, а водилка во програмските активности е програмата посочена од битолскиот градоначалник и одлуката на општинскиот Совет.