Секретаријатот за европски прашања во соработка со Институтот за духовно и културно наследство на Албанците во Скопје и граѓанска асоцијација Acta Non Verba од Скопје денеска ќе одржи комеморативна академија по повод 73-годишнината од ослободувањето на заробените од фашистичкиот логор „Аушвиц“.
Во рамките на настанот ќе се промовира тријазичната книга од еврејската авторка Мими Камхи Ергас-Фараџи, „Мојот живот под нацистичката окупација“, a специјален гостин на настанот ќе биде ќерка ѝ, Ита (Дрита) Бартув, која го преживеала холокаустот.
Настанот ќе се одржи во просториите на Секретаријатот за европски прашања со почеток во 14 часот, а свое обраќање, покрај вицепремиерот Бујар Османи и специјалната гостинка Ита Бартув, ќе имаат и амбасадорот на Израел, Дан Оријан, амбасадорот на Сојузна Република Германија, Томас Герберих, и Скендер Асани, директор на Институтот за духовно и културно наследство на Албанците.