Извесната фирма „ОМД Нетворкс“ на чие барање се отстранети 17 „бомби“ од Јутјуб каналот на СДСМ побарала авторски права и на монтираното видео на „Странски служби“, каде се гледа лидерот на ВМРО-ДПМНЕ, Никола Груевски во градскиот парк.
Фирмата „ОМД Нетврокс“ нема седиште во Македонија, единствено делува во неколку држави во Европа. Најблиску до Македонија, ОМД има седиште во Хрватска, а освен во Европа, фирмата делува во Азија, Африка и Америка.
ОМД на официјалната страна се „фали“ дека 10 години по ред добива награда за „Глобална медиумска агенција“ и наведува дека е интегрирана комуникациска агенција која нуди глобални решенија за медиуми и маректинг.
А1он се обиде да стапи во контакт фирмата со цел да праша какви авторски права имаат врз прислушуваните разговори кои ги објавуваше Социјалдемократскиот сојуз на Македонија, како и неколку видеа на кои се гледа Никола Груевски, но досега не добивме никаков одговор.
Александар Тодески