Од листингот на гласањето на пратениците за амнестија на хашките случаи може да се забележи дека Гордана Јанкулоска не гласала, додека Зоран Ставрески не бил присутен на седницата.
Во салата, според листингот, како што беше кажано и во разговорот за кој Зоран Заев рече дека е помеѓу Јанкулоска и Ставрески, не бил присутен Владимир Пешевски.
-За да ја зацврсти владината коалиција, ВМРО-ДПМНЕ со ДУИ, премиерот Никола Груевски, се договарал „Хашките случаи“ да се решат собраниски со Законот за амнестија“, обвини лидерот на опозициската СДСМ, Зоран Заев во новата политичка „бомба“.
Заев кажа дека избран премиер нема да се крие зад своите пратеници, туку тој носи одлуки и стои зад нив. Тој објави и разговори за кои кажа како Јанкулоска и Ставрески бараат начин да не гласаат за амнестијата.
