На две национални телевизии во утринската програма истовремено иста тема-Сорос. Колку ли плаќал ширум Европа за протести, колкаво и какво влијание имал Сорос во македонската политика, беа прашањата на Утринските програми. Темите и прашањата исти со оние што упорно ги наметнува ВМРО-ДПМНЕ.
„Случајните“ гледачи, со исклучоци кои не биле планирани, ги повторуваа обвинувањата за тоа колку Сорос влијае на македонската политика, исти со тие на функционерите на ВМРО-ДПМНЕ.
Немаше прашање како Сорос стана закана и влијае во последниве години, ане бил опасен кога сегашни функционери на ВМРО-ДПМНЕ биле ангажирани и работеле во Фондацијата, користеле средства и биле членови на Управниот одбор.
Колку е случајно што Македонија е меѓу последните на скалата на земји по слобода на медиумите, уште од утрото се познава, во Утринската програма.