Незадоволството на пратениците од албанскиот опозициски блок е причината за двете прекинувања на седницата за пратенички прашања. Пратеникот на Алијанса за Албанците, Сурија Рушиди во знак на револт што нивниот лидер Зијадин Села не е меѓу првите пратеници кој ќе постави прашања рече дека пратениците од оваа партија нема да присуствуваат на седницата.
Претседателот на Собранието Талат Џафери го прочита списокот на пријавените пратеници за збор кој го добил пред 3 дена и рече дека Сала го нема запишано за поставуавње прашања.
„Како сега да го ставам Зијадин Села да постави пратеничко прашање кога на спсокот што ми го доставивте од 26 пратеници, тој го нема никаде. Згора на се на координација пред седницата не доаѓате, не знам дали постои друг начин да се договориме“, рече спикерот Џафери.
Пратеникот Рашиди не беше задоволен од одговорот на собранискиот спикер и најави дека паратениците на Алијансата ќе ја напуштат седницата.
„Поради сето ова, ние во знак на револт, нема да учествуваме на оваа седница, ќе ја напуштиме салата“, најави Рашиди.
Талат Џафери кусо му реплицираше и рече дека тоа е нивно право и прогласи пауза од еден час по што треба да продолжи седницата за пратенички прашања по најавениот редослед.