Седумдесет ученици од ООУ „Јохан Хајнрих Песталоци“ беа денеска во посета на општина Центар.
Како работи општината, колку често имате средби со граѓаните, за што ви беше последниот состанок, но и конкретни, дали може место контејнерите чија миризба пречи, да се стават подземни контејнери, како поефикасно да се чистат улиците и како до позелен Центар, ова беа прашањата од учениците до градоначалникот на општина Центар, Андреј Жерновски.
Клеа и Леон успешно ја извршија функцијата – градоначалник и правеа ред во кабинетот. Даваа и одземаа збор на соучениците.
Учениците се запознаа и конкретно со функционирањето на општината.