Наскоро ќе биде распишан тендер за реконструкција на последната делница од пругата од Коридорот 10 во должина од 31 километар меѓу Ногаевци и Неготино. Ремонтот на оваа делница треба да обезбеди движење на возовите со брзина од 120 км на час.
Планирано е реконструкцијата да трае една година, а пари за тоа се обезбедени од Европската банка за обнова и развој за програмата за реконструкција на железничкиот коридор 10 во износ од 17,6 милиони евра.
Се предвидува целосна замена на дрвените прагови со армирано-бетонски, замена на шините , прочистување на стариот и надополна со нов толчаник, а ќе се реконструираат и железничките премини.