ДИК на денешната седница прифати еден приговор на движењето БЕСА, кој се однесуваше на гласањето во шестата изборна единица во Гостивар.
Според информациите на а1он, ова влијае на крајниот резултат и затоа на 25.декември ќе се прегласува на едно избирачко место.На ова избирачко место се запишани скоро 900 гласачи, а во неделата своето право на глас го искористиле 450.Разликата во шестката е 306 гласа, што значи прегласувањето може да влијае на резултатот.
Спорно за ова избирачко место , според БЕСА беше тоа што Фатиме Сулејмани кога дошла на изборното место видела дека некој веќе го искористил нејзиното право на глас. Во ДИК беа повикани на сослушување претседателот и членовите на изборната комисија, како и самата Сулејмани, по што беше донесена одлука да се изврши графолошко вештачење на потписот. Графологот, избран со жребување, утврди дека нејзиниот потпис бил фалисфикуван.