Министерката за внатрешни работи Гордана Јанкулоска денеска со градоначалниците на Град Скопје и на општина Ѓорче Петров, Коце Трајановски и Сокол Митревски разговарааа за реализација на идејата, по речиси 50 години, за изградба на нова полициска станица од општа надлежност во Ѓорче Петров, во функција на подобро извршување на секојдневните работни задачи.
На средбата, изјави министерката Јанкулоска, е разговарано и за можно решение во непосредна близина или во истиот објект да биде сместена и единицата за противпожарна заштита. Со тоа, нагласи таа, на некој начин службите кои се грижат за различни аспекти на безбеднсота на граѓаните од општината ЃорчеПетров би биле концентрирани на едно место, за подобра координација тогаш кога е потребно, но и за поголема ефикасност.
Според градоначалникот Митревски, со дислокацијата на полициската станица на адекватен локалитет обезбеден од општина Ѓорче Петров и со поволности во однос на потребните комуналии, граѓаните ќе добијат нов паркинг простор.
– Овие заложби не беа во предизборната моја и програмата на градоначалникот на Град Скопје, меѓутоа кога се работи и имаме добра соработка со Владата и со ресорните министерства, секогаш идеите наоѓаат реализација, изјави градоначалникот Сокол Митревски.
Трајановски изрази задоволстово за тоа што е најдено решение за овие два клучни објекта од јавен интерес за Ѓорче Петров, но и за Градот Скопје.
