СДСМ и колицијата и на овие избори ќе бидат победници, а во Дебар ќе се повтори победата што ја имаше партијата на парламентарните избори, порача генералниот секретар на СДСМ Аледсандар Кирацовски на предизборниот митинг што денеска се одржа во Дебар, нагласувајќи дека партијата има бројни проекти во сите 80 општини, како и во градот Скопје.
Тој истакна дека во Дебар ќе се реализираат проекти во сферата на инфраструктурата, како во градот, така и во сите селски населби.
– Груевски на митинзите на својата партија вели дека ќе се борел против криминалот и корпупцијата, значи ли тоа дека тој ќе се бори против себе, праша Кирацоивски и додаде дека времето на Груевски е минато.
Заврши, нагласи, времето на политички притисоци, поткупувања и малверзации што владееше со режимот на Груевски.
– На овие избори во општина Дебар СДСМ има своја листа за советници, а за градоначалник ќе ја поддржи кандидатурата на Ружди Лата од ДУИ, рече Кирацоски.
Носителот на кандидатската листа за советници од СДСМ во општина Дебар Азем Фејзоски истакна дека во СДСМ има Македонци, Албанци, Турци, Роми и други, а тоа,потенцира, значи дека е партија на сите.
Тој најави проекти во сферата на инфаструктурата како во Дебар, така и во селските населби Могорче, Долно и Горно Косоврасти, Џепиште и Отишани.
Митинзи на СДСМ на кој говореше Кирацовски се одржаа и во Центар Жупа и Маврово и Ростуше. Во Ростуше промовиран е кандидатот на СДСМ Медат Куртовски, а во Центар Жупа кандидатот на Партијата за движење на Турците која е во Колиција со СДСМ Неваип Исмаил.