Високата претставничка на ЕУ за надворешна политика Кетрин Ештон наредната недела доаѓа во Скопје, потврди денеска македонското Министерство за надворешни работи.
Според првиот човек на МНР, Никола Попоски, станува збор за редовна посета на високата претставничка за надворешна и безбедносна политика на ЕУ, која е во рамки на постојаните контакти меѓу Скопје и Брисел.
Не се исклучува целта на посетата на Ештон да биде спорот околу името и последниот предлог што го добија Македонија и Грција од медијаторот за спорот со името, Метју Нимиц.
Посетата на Ештон се случува по само една недела откако Скопје го посети еврокомесарот за проширување на ЕУ, Штефан Филе.
